आजचं हवामान: वादळी पाऊस झोडपणार, 24 तासांत हवा बदलणार, संभाजीनगरसह 3 जिल्ह्यांना अलर्ट

गेल्या काही काळात मराठवाड्यावर आस्मानी संकट घोंघावत आहे. आज पुन्हा वादळी वाऱ्यांसह पाऊस आणि गारपिटीचा धोका काही ठिकाणी असणार आहे. मराठवाड्यातील 3 जिल्ह्यांना ऑरेंज तर 5 जिल्ह्यांना आज यलो अलर्ट देण्यात आला आहे.

मराठवाड्यातील छत्रपती संभाजीनगरसह बीड, जालना या जिल्ह्यांना बुधवारी ऑरेंज अलर्ट देण्यात आला होता. त्यानुसार या जिल्ह्यांतील काही भागाला वादळी पावसासह गारपिटीने झोडपले. तर इतर 5 जिल्ह्यांना देखील यलो अलर्ट देण्यात आला होता. या ठिकाणी देखील विजांच्या कडकडाटासह वादळी पाऊस झाला.

आज छत्रपती संभाजीनगर, नांदेड, लातूर आणि धाराशिव या 4 जिल्ह्यांना वादळी पावसाचा यलो अलर्ट देण्यात आला आहे. या काळात 30 त 40 किमी प्रतितास वेगाने वारे वाहतील. तसेच विजांच्या कडकडाटासह काही ठिकाणी वादळी पावसाची शक्यता आहे.

जालना, परभणी, बीड आणि हिंगोली या जिल्ह्यांत मात्र आज हवामानात मोठे बदल जाणवतील. आज या जिल्ह्यांना कोणताही अलर्ट देण्यात आलेला नाही. तरीही या ठिकाणी पावसाच्या तुरळक सरी बरसण्याची शक्यता आहे. हवामान अंशत: ढगाळ राहील.

दरम्यान, शुक्रवार, 9 मे रोजीपासून मराठवाड्यात हवापालट होणार आहे. बहुतांश जिल्ह्यात हवामान कोरडे राहील. तसेच उन्हाची तीव्रता पुन्हा वाढण्याची शक्यता आहे. त्यामुळे शेतकरी आणि नागरिकांना योग्य ती काळजी घ्यावी लागेल.