Chalisgaon News : कॅफेमध्ये शालेय मुलांचे अश्लील चाळे; भाजप आमदाराची सटकली, पोलिसांसमोर तोडफोड

गेल्या काही दिवसांपासून चाळीसगाव शहरात खाजगी कॅफेमध्ये अश्लील चाळे चालत असल्याच्या चर्चा सुरू होत्या.

याची कुणकुण आमदार मंगेश चव्हाण यांच्या कानापर्यंत पोहचली. त्यानंतर त्यांनी चाळीसगाव शहरात स्टेशन रोड परिसरात अवैधपणे सुरू करण्यात आलेल्या कॅफेवर पोलिसांसमवेत कॅफेवर छापा टाकला.

या छापादरम्यान आमदार मंगेश चव्हाण यांनी कॅफेची तोडफोड केली.

यावेळी अनाधिकृतपणे अवैध कॅफे जमीनदोस्त करण्याच्या सूचनाही आमदार मंगेश चव्हाण यांनी दिले आहेत.

सदर कॅफेमध्ये शालेय मुला-मुलींचे अश्लील चाळे सुरू होते. याबाबत खातरजमा झाल्यानंतर आमदार मंगेश चव्हाण यांनी कॅफेची तोडफोड केल्याची माहिती मिळत आहे.

राज्यातील अनेक शहरांमध्ये अशा प्रकारे कॅफे कल्चर आल्याचं पाहायला मिळत आहे. यापूर्वीही लातूर शहरात अशाच कॅफेंवर धाड टाकून कारवाई करण्यात आली आहे.