Pune Rain: विजा कडकडणार, पाऊस पडणार, पश्चिम महाराष्ट्रातील या जिल्ह्याला यलो अलर्ट

राज्यात पुन्हा पावसाची उघडीप पाहायला मिळत असल्याने उन्हाचा चटका आणि उकाडा कायम आहे. उन्हाच्या झळा वाढल्याने दुपारच्या वेळी घराबाहेर पडणे तापदायक ठरत आहे. आज दिनांक 11 ऑगस्ट मराठवाडा आणि विदर्भात विजांसह पावसाची शक्यता असल्याने सतर्कतेचा इशारा हवामान विभागाने दिला आहे. तर उर्वरित राज्यात मुख्यतः उघडिपीसह ऊन - सावल्यांच्या खेळात हलक्या पावसाची शक्यता आहे.

पुणे जिल्ह्यात शिवाजीनगर परिसरात मागील 24 तासात 2.3 मिलिमीटर पावसाची नोंद झाली. तसेच कमाल तापमानाचा पारा 31.2 अंश सेल्सिअसवर राहिला. पुढील 24 तासात संपूर्ण पुणे जिल्ह्यात हलक्या पावसाची शक्‍यता आहे. यावेळी कमाल तापमान 30 तर किमान तापमान 22 अंश सेल्सिअस इतके राहील. सातारा जिल्ह्यात मागील 24 तासात 0.4 मिलिमीटर पावसाची नोंद झाली.

पुढील 24 तासात साताऱ्यातील कमाल तापमान 32 अंश सेल्सिअस राहिल. तसेच पुढील 24 तासांसाठी सातारा जिल्ह्यात एक दोन वेळा हलक्या पावसाची शक्यता भारतीय हवामान विभागाने दिला आहे.

कोल्हापूर जिल्ह्यात मागील 24 तासात 1 मिलीमीटर पावसाची नोंद झाली. यावेळी कमाल तापमान 27.6 अंश सेल्सिअस राहिले. पुढील 24 तासात कमाल तापमान 29 अंशावर राहिल. तसेच पुढील 24 तासांसाठी कोल्हापूर जिल्ह्यात एक दोन वेळा हलक्या पावसाची शक्यता भारतीय हवामान विभागाने दिला आहे.

सोलापूर जिल्हात मागील 24 तासात 28 मिलीमीटर पावसाची नोंद झाली. तसेच 29.5 अंश सेल्सिअस कमाल तापमानाची नोंद झाली. पुढील 24 तासात कमाल तापमान 32 अंशावर राहिल. तसेच पुढील 24 तासात सोलापूर जिल्ह्यात विजांसह पावसाची शक्यता असल्याने सतर्कतेचा यलो अलर्ट वर्तवण्यात आला आहे.

मागील 24 तासात सांगली जिल्ह्यामध्ये 2 मिलीमीटर पावसाची नोंद झाली. पुढील 24 तासात एक दोन वेळा गडगडाटी पावसाची शक्यता आहे. यावेळी जिल्ह्यातील कमाल तापमान 32 तर कमान तापमान 22 अंश सेल्सिअस इतके राहील.

पश्चिम महाराष्ट्रातील काही जिल्ह्यांत पावसाच्या उघडिपीसह तापमानात चढ-उतार सुरू आहे. तसेच काही जिल्ह्यांमध्ये पावसाला पुन्हा सुरुवात झाली आहे. पश्चिम महाराष्ट्रातील सातारा, सांगली, कोल्हापूर जिल्ह्यांना सतर्कतेचा इशारा असल्याने नागरिकांनी योग्य ती दक्षता घ्यावी.