Kolhapur Rain: कोल्हापूरला वादळी पावसाने झोडपले, पन्हाळ्यात शिळा कोसळल्या, पुढील 72 तासांसाठी अलर्ट

गेल्या काही दिवसांत कोल्हापुरातील हवामानात मोठे बदल जाणवत आहेत. कोल्हापूर शहरासह घाटमाथ्याच्या परिसरात वादळी पावसाने जोरदार हजेरी लावली. रविवारी सायंकाळी पन्हाळा परिसराला पावसाने झोडपले. पहिल्याच पावसात पन्हाळगडावर येणाऱ्या मुख्य रस्त्यावर दोन मोठ्या शिळा कोसळल्याने काही वेळासाठी वाहतूक पूर्णपणे ठप्प झाली होती.

थंड हवेचं ठिकाण असणाऱ्या पन्हाळ्यावर उष्णतेची तीव्रता चांगलीच वाढली होती. त्यामुळे गडावरील पर्यटकांची संख्या लक्षणीयरित्या कमी झालीये. रविवारी सकाळपासूनच वातावरणात बदल दिसून येत होता. सायंकाळी पाच वाजण्याच्या सुमारास सोसाट्याच्या वादळी वाऱ्यासह आणि विजांच्या कडकडाटात पावसाला सुरुवात झाली. अघ्या एका तासात 22 मि.मी. नोंद झाली.

पावसामुळे उष्म्यापासून दिलासा मिळाला असला, तरी यामुळे काही अडचणीही निर्माण झाल्या. दुपारपासूनच वीज मंडळाने खबरदारीचा उपाय म्हणून विद्युत पुरवठा खंडित केला होता. पावसामुळे झाडांची पडझड झाली नसली, तरी मुख्य रस्त्यावर दोन मोठ्या शिळा कोसळल्या. यामुळे पन्हाळगडावर येणारा-जाणारा रस्ता काही वेळासाठी बंद ठेवण्यात आला.

पावसामुळे उष्म्यापासून दिलासा मिळाला असला, तरी यामुळे काही अडचणीही निर्माण झाल्या. दुपारपासूनच वीज मंडळाने खबरदारीचा उपाय म्हणून विद्युत पुरवठा खंडित केला होता. पावसामुळे झाडांची पडझड झाली नसली, तरी मुख्य रस्त्यावर दोन मोठ्या शिळा कोसळल्या. यामुळे पन्हाळगडावर येणारा-जाणारा रस्ता काही वेळासाठी बंद ठेवण्यात आला. कोल्हापूरसह घाटमाथ्याच्या भागात आज पुन्हा वादळी पावसाची शक्यता आहे. ताशी 50 ते 60 किमी वेगाने वारे वाहणार असून 3 दिवसांसाठी यलो अलर्ट देण्यात आला आहे. या काळात वादळी वारा, विजांचा कडकडाट आणि ढगांच्या गडगडाटात पावसाचा अंदाज आहे.

वादळी पावसामुळे शेती पिकांचे नुकसान होण्याची शक्यता आहे. त्यामुळे शेतकऱ्यांना योग्य ती काळजी घ्यावी लागेल. तसेच वादळी वाऱ्यामुळे काही ठिकाणी विजपुरवठा खंडित होण्याची शक्यता असून नागरिकांनी देखील खबरदारी घ्यावी.