Latur accident : लातूरमध्ये ट्रक आणि कारचा भीषण अपघात, 4 जणांचा जागीच मृत्यू

लातूर जिल्ह्यामध्ये ट्रक आणि कारचा भीषण अपघात झाला आहे, या अपघातामध्ये चार जणांचा मृत्यू झाला आहे.

लातूर जिल्ह्यातील देवणी तालुक्यातील धनेगाव जवळ हा भीषण अपघात घडला. या अपघातामध्ये कारमधील चार जण जागीच ठार झाले आहेत.

हा अपघात इतका भीषण होता की या अपघातामध्ये कारचा देखील चेंदा मेंदा झाला आहे. कारच्या नंबरवरून ती कार मध्य प्रदेशातील असल्याचं समोर आलं आहे.

स्थानिक लोकांनी दिलेल्या माहितीनुसार मध्य प्रदेशातील काही व्यापारी लातूर जिल्ह्यात आले होते, त्यांच्याच कारला हा अपघात झाल्याची माहिती समोर आली आहे.

दरम्यान घटनेची माहिती मिळताच पोलिसांनी तातडीनं घटनास्थळी धाव घेतली. अपघाताबाबत अधिक तपास सुरू असल्याची माहिती पोलिसांकडून देण्यात आली आहे.