Do You Know : जगातील सर्वात मोठा जमीनदार कोण? ज्यांकडे आहे जगातील 16% जमिनीची मालकी

जमीन ही माणसासाठी सर्वात मौल्यवान संपत्ती मानली जाते. घर, शेतजमीन किंवा प्रॉपर्टी ही प्रत्येकाची गरज असते. लग्न करताना देखील कुटुंबीय या सगळ्या गोष्टी पाहूनच लग्न करतात. जेवढी जास्त मालमत्ता किंवा जमीन तेवढी ती व्यक्ती श्रीमंत असा समज देखील अनेकांच्या मनात आहे. पण जगात काही कुटुंबं अशी आहेत ज्यांच्याकडे शेकडो नाही तर अब्जावधी एकरांमध्ये जमीन आहे. आता तुम्हाला आश्चर्य नक्कीच वाटलं असेल आणि हे कसं शक्य आहे आणि ती घराणं कोणतं असा देखील प्रश्न पडला असेल

यात सर्वात वर नाव घेतलं जातं ते म्हणजे ब्रिटिश शाही कुटुंबाचं, ज्यांना जगातील सर्वात मोठा जमीनदार मानलं जातं.

अंदाजानुसार, ब्रिटिश राजघराण्याकडे जगातील एकूण जमिनीपैकी जवळपास 16 टक्के हिस्सा आहे. या साम्राज्यात शेती, जंगलं, शहरी भागातील मौल्यवान मालमत्ता, समुद्रकिनारे आणि व्यावसायिक जागा यांचा समावेश आहे. उत्तर ते दक्षिण आणि पूर्व ते पश्चिम अशा जगभरात या मालमत्ता पसरलेल्या आहेत.

या अफाट संपत्तीचं व्यवस्थापन करण्यासाठी क्राउन इस्टेट नावाची कंपनी स्थापन करण्यात आली. ही कंपनी मोठ्या कॉर्पोरेशनप्रमाणे कार्य करते. मालमत्ता सम्राटाच्या वैयक्तिक मालकीच्या नसतात, पण गादीवर असताना त्यांच्यावर त्यांचा अधिकार राहतो.

महाराणी एलिझाबेथ द्वितीय यांच्या निधनानंतर त्यांचा मुलगा राजा चार्ल्स तृतीय गादीवर आला आणि या संपत्तीवर त्याचा हक्क मिळाला. अंदाजानुसार त्यांच्याकडे तब्बल 6.6 अब्ज एकर जमीन आहे, ज्यात ब्रिटन, आयर्लंड, स्कॉटलंड, वेल्स, कॅनडा, ऑस्ट्रेलिया आणि राष्ट्रकुल देशांमधील भूभाग समाविष्ट आहे. हे प्रमाण जगाच्या एकूण जमिनीच्या 16.6 टक्के आहे.

क्राउन इस्टेटच्या मालकीत
1,15,000 एकर शेती आणि वनक्षेत्र, शहरी भागातील घरे, शॉपिंग मॉल्स, ऑफिस संकुले, मौल्यवान समुद्रकिनारे, चुनखडी, ग्रॅनाइट, कोळसा, स्लेट अशा नैसर्गिक संसाधनांचा समावेश आहे.

खासगी मालमत्त
राजा चार्ल्स यांना त्यांच्या खासगी मालमत्तेतूनही मोठं उत्पन्न मिळतं. डची ऑफ लँकेस्टर नावाच्या या संपत्तीत मध्य लंडनमध्ये सुमारे 18,000 हेक्टर जमीन आणि मौल्यवान इमारती आहेत. याची किंमत 654 मिलियन पाउंड असून, दरवर्षी 20 मिलियन पाउंड नफा मिळतो.

क्राउन इस्टेटची रचना
युनायटेड किंगडममध्ये क्राउन इस्टेट ही सम्राटाची सार्वजनिक मालमत्ता मानली जाते, पण ती सरकारी नाही आणि पूर्णपणे खासगीही नाही. इंग्लंड, वेल्स, नॉर्दर्न आयर्लंड आणि स्कॉटलंडमध्ये तिचं स्वतंत्र व्यवस्थापन होतं.

दुसऱ्या क्रमांकावर सौदी शाही कुटुंब
ब्रिटिश शाही कुटुंबानंतर दुसऱ्या क्रमांकावर सौदी अरेबियाचं शाही कुटुंब आहे. माजी राजा अब्दुल्ला यांच्या मालकीत जवळपास 8,30,000 चौरस मैल जमीन होती. त्यासोबतच तेलाच्या प्रचंड संपत्तीमुळे हे कुटुंब जगातील सर्वात श्रीमंत आणि प्रभावशाली घराण्यांपैकी एक मानलं जातं.
थोडक्यात, जमीन आणि प्रॉपर्टीच्या दृष्टीने पाहिलं तर ब्रिटिश शाही कुटुंब आजही जगातील सर्वात मोठा जमीनदार मानलं जातं.