Gold Price : कोल्हापूरकर आता लखपती होण्याची आली वेळ! सोनं जपून ठेवा, कारण...

कोल्हापूरच्या सराफ बाजारात सोन्याच्या किमतींनी विक्रमी उच्चांक गाठला असून, 24 कॅरेट सोन्याचा दर 98,801 रुपये प्रति 10 ग्रामवर पोहोचला आहे. काही तज्ज्ञांच्या मते, पुढील काही दिवसांत हा दर 1 लाख रुपये प्रति 10 ग्राम ओलांडण्याची शक्यता आहे.

यामुळे कोल्हापूरातील ग्राहक आणि व्यापारी यांच्यात खरेदी-विक्रीबाबत उत्सुकता आणि सावधगिरी दिसून येत आहे. आजच्या ताज्या आकडेवारीनुसार, कोल्हापुरातील सोन्याचे दर खालीलप्रमाणे आहेत:

24 कॅरेट सोने : ₹98,801 प्रति 10 ग्राम - 22 कॅरेट सोने : ₹91,022 प्रति 10 ग्राम - 18 कॅरेट सोने : ₹74,473 प्रति 10 ग्राम सोन्याच्या किमतीत झालेल्या या अभूतपूर्व वाढीमागे अनेक कारणे आहेत.

आंतरराष्ट्रीय बाजारात सोन्याचा दर सातत्याने वाढत आहे, याला भू-राजनीतिक तणाव, युद्धजन्य परिस्थिती आणि जागतिक मंदीची भीती कारणीभूत आहे. याशिवाय, अमेरिकी डॉलरच्या तुलनेत भारतीय रुपयाचे अवमूल्यन आणि कच्च्या तेलाच्या वाढत्या किमतींमुळेही सोन्याच्या किमतींवर दबाव वाढला आहे.

भारतात सोन्यावरील आयात शुल्क आणि 3% जीएसटी यामुळे स्थानिक बाजारात किमती आणखी वाढल्या आहेत. कोल्हापूरातील सराफ बाजारात सध्या लग्नसराई आणि सणासुदीमुळे सोन्याची मागणी वाढली आहे.