Heart Attack : पेपर संपला आणि सोबत आयुष्यही! सहावीच्या मुलाचा हार्ट अटॅकमुळे वर्गातच मृत्यू

अमेय सिंह उर्फ आरव नावाचा विद्यार्थी, इयत्ता सहावीत शिकत होता. त्यांच्या परीक्षा सुरू होत्या. माहितीनुसार इंग्रजीचा पेपर होता. आरव शांतपणे बेंचवर बसून पेपर सोडवत होता.

त्याने संपूर्ण पेपर सोडवला, उत्तरपत्रिका शिक्षकांकडे दिली. त्यानंतर तो पाणी प्यायला आणि त्याला मृत्यूनेच गाठलं.

शिक्षकाने सांगितलं की त्याने अडीच तास इंग्रजी पेपर दिला, त्यानंतर तो पाणी प्यायला उठला. पाणी प्यायल्यानंतर तो बेशुद्ध होऊन पडला. त्याला रुग्णालयात नेण्यात आलं.

आधी शाळेत शिक्षकांनी नंतर रुग्णालयात डॉक्टरांनी सीपीआर दिला पण त्याला वाचवतं आलं नाही. त्याचा मृत्यू झाला. डॉक्टरांनी त्याच्या मृत्यूचं प्राथमिक कारण हार्ट अटॅक असं सांगितलं आहे.

उत्तर प्रदेशच्या लखनऊमधील ही धक्कादायक घटना आहे. मोंट फोर्ट इंटर कॉलेजमधील या घटनेमुळे सगळीकडे खळबळ उडाली आहे. (सर्व फोटो प्रतीकात्मक, AI Generated Image)