Independence Day: पांढरा कुर्ता-अन् डोक्यावर भगवा फेटा, पीएम मोदींचा खास लूक, लाल किल्ल्यावरचे PHOTO

देशभरात 79 व्या स्वातंत्र्य दिनाचा उत्साह आहे. पीएम नरेंद्र मोदी यांनी लाल किल्ल्यावरुन ध्वजारोहण केलं. दरवर्षीप्रमाणे यंदाही त्यांचा हटके लूक पाहायला मिळाला. त्यांनी ध्वजारोहण केल्यानंतर देशाला संबोधित केलं.

आजच्या स्वातंत्र्य दिनासाठी पंतप्रधान मोदींनी पांढरा कुर्ता-पायजमा, त्यावर अबोली रंगाचं जॅकेट आणि भगवा फेटा परिधान असा लूक केला होता.

त्यांनी साध्या पांढऱ्या रंगाच्या कुडत्यावर केशरी रंगाचे नेहरू जॅकेट घातले होते, आणि सोबत एक गमछाही घेतला होता. हा पारंपरिक पण आधुनिक लूक खूपच आकर्षक दिसत होता.

लाल किल्ल्यावर पोहोचण्यापूर्वी पंतप्रधान मोदींनी राजघाटावर जाऊन महात्मा गांधी यांच्या समाधीवर पुष्प अर्पण केले आणि आदरांजली वाहिली. त्या वेळीही त्यांचा हा खास पेहराव दिसून आला.

राजघाटावरून त्यांचा पहिला लूक समोर आल्यानंतर, अनेकांनी त्यांच्या पेहरावाची प्रशंसा केली.पंतप्रधान मोदी नेहमीच त्यांच्या अनोख्या लूकमुळे चर्चेत असतात.

विशेषतः स्वातंत्र्य दिनानिमित्त लाल किल्ल्यावर त्यांचे जॅकेट आणि पगड्यांचे खास कलेक्शन नेहमीच चर्चेचा विषय ठरले होते.