Weather Forecast: आजचा दिवस पावसाचा, पुणे ते कोल्हापूर झोपडणार, IMD चा ऑरेंज अलर्ट

राज्यातील कोकण, घाटमाथा आणि विदर्भात पावसाचा जोर कायम आहे. तर पश्चिम महाराष्ट्रात देखील पावसाची संततधार सुरू आहे. आज 25 जून रोजी पश्चिम महाराष्ट्रातील पुणे, सातारा आणि कोल्हापूर घाटमाथ्यावर जोरदार पावसाची शक्यता असून हवामान विभागाने सतर्कतेचा इशारा दिला आहे. पुढील 24 तासांचा हवामान अंदाज जाणून घेऊ.

पुणे जिल्ह्यामध्ये पावसाची संततधार सुरूच आहे. मागील 24 तासात शिवाजीनगर परिसरात 18.1 मिलीमीटर पावसाची नोंद झाली. तसेच 29.9 अंश सेल्सिअस कमाल तापमान राहिले. पुणे जिल्ह्याच्या घाटमाथ्यावर जोरदार पावसाची शक्यता असल्याने दक्षतेचा ऑरेंज अलर्ट दिला आहे.

गेल्या 24 तासात कोल्हापूर परिसरात 21 मिलीमीटर पावसाची नोंद झाली. पुढील 24 तासात कमाल तापमान 26 अंश सेल्सिअस तर किमान तापमान 23 अंश सेल्सिअस असेल. आज मध्यम पावसासह आकाश ढगाळ राहील. कोल्हापूरच्या घाटमाथ्यावर जोरदार पावसाची शक्यता कायम असून ऑरेंज अलर्ट दिला आहे.

सातारा शहरात गेल्या 24 तासांत 29 मिलीमीटर पाऊस नोंदविण्यात आला. पुढील 24 तासात कमाल तापमान 23 अंशावर राहील. तर ढगाळ आकाशासह मध्यम पावसाचा अंदाज भारतीय हवामान विभागाने वर्तवला आहे. सातारा जिल्ह्याच्या घाटमाथ्यावर जोरदार पावसाची शक्यता असल्याने सतर्कतेचा ऑरेंज अलर्ट हवामान विभागाकडून जारी करण्यात आला आहे.

सोलापूर जिल्ह्यातील कमाल तापमान 30.6 अंशावर राहिले. रिमझिम पाऊस असून 0.2 मिलिमीटर पावसाची नोंद झाली. पुढील 24 तासात हलक्या पावसाची शक्यता आहे. यावेळी पारा 35 अंशांवर जाण्याचा अंदाज आहे.

सांगली जिल्ह्यात मंगळवारी 1 मिलिमीटर पावसाची नोंद झाली. जिल्ह्यातील वाळवा, शिराळा, पलूस परिसरात पावसाची संततधार सुरू आहे. पुढील 24 तासात सांगली जिल्ह्यात हलक्या पावसाचा अंदाज आहे. यावेळी जिल्ह्यातील कमाल तापमान 22 तर किमान तापमान 22 अंश सेल्सिअस इतके राहील.

पश्चिम महाराष्ट्रात घाटभाग वगळता इतर ठिकाणी पावसाचा जोर ओसरला आहे. तरीही कोल्हापूरसह काही भागात हलका ते मध्यम पाऊस होत आहे. हवामानातील बदलांमुळे नागरिकांना आरोग्याची काळजी घ्यावी लागेल. तसेच पुढील काही काळ हवामानाची हीच स्थिती कायम राहण्याचा अंदाज आहे.