नववधूने पहिल्या मकर संक्रांतीला वाण म्हणून काय द्यावं? 99 टक्के महिला करतात 'ही' चूक

लग्नानंतर येणारी पहिली मकर संक्रांत ही प्रत्येक नववधूसाठी अत्यंत खास असते. सासरच्या घरी तिचा हा पहिला मोठा सण असतो, जिथे ती काळी साडी आणि हलव्याचे दागिने घालून 'हळदी-कुंकू' समारंभ साजरा करते. या दिवशी सुवासिनींना वाण देण्याची परंपरा आहे, मात्र पहिल्या संक्रांतीला काय वाण द्यावे, याबाबत अनेकदा संभ्रम असतो.

हळदी-कुंकवाचा करंडा : परंपरेनुसार, नववधूने आपल्या पहिल्या मकर संक्रांतीला वाण म्हणून हळदी-कुंकवाचा करंडा देणे अत्यंत शुभ मानले जाते. 'हळद' हे आरोग्याचे आणि 'कुंकू' हे सौभाग्याचे प्रतीक आहे. पहिल्या वर्षी सौभाग्यलेणी देण्याने संसाराची सुरुवात मंगलमयी होते, अशी धारणा आहे.

शृंगाराच्या वस्तू आणि आरसा: पहिल्या संक्रांतीला तुम्ही काचेच्या बांगड्या, टिकल्या, आरसा किंवा कंगवा यांसारख्या शृंगाराच्या वस्तू देऊ शकता. आरसा हे सौंदर्याचे आणि लक्ष्मीचे प्रतीक मानले जाते. सुवासिनींना या वस्तू वाण म्हणून दिल्याने स्वतःचे सौभाग्य अक्षय राहते, असे मानले जाते.

सुगड पूजनाचे वाण : नववधू या दिवशी मातीच्या सुगडांची पूजा करते, ज्याला 'ववसा' किंवा 'ओसावणे' म्हणतात. या सुगडांमध्ये ऊस, बोरे, हरभरे, गाजर आणि तीळ-गूळ भरलेले असते. हे 'धान्याचे वाण' देवाला आणि घरातील सुवासिनींना अर्पण करणे समृद्धीचे लक्षण मानले जाते.

हळदी-कुंकू करंड्याचे महत्त्व: हळदी-कुंकवाच्या करंड्याला पूजेत आणि संसारात विशेष स्थान आहे. हळदीतून पृथ्वीतत्त्व आणि कुंकवातून शक्तीतत्त्व प्रक्षेपित होते. जेव्हा आपण एखाद्या सुवासिनीला करंडा भेट देतो, तेव्हा आपण तिच्यातील 'स्त्रीशक्तीचा' आदर करतो आणि आदिशक्तीची कृपा आपल्या घरावर राहावी, अशी प्रार्थना करतो.

वाण देण्याची योग्य पद्धत: वाण देताना ते नेहमी आपल्या पदराच्या टोकाचा आधार देऊन द्यावे. समोरच्या सुवासिनीला हळद-कुंकू लावून, अत्तर लावून आणि गुलाबपाणी शिंपडून सन्मानाने वाण द्यावे. यामुळे दोन कुटुंबांमधील स्नेह आणि जिव्हाळा वाढतो.

आधुनिक आणि उपयुक्त वाण: आजकाल अनेक नववधू पारंपरिक वस्तूंसोबतच उपयुक्त वस्तूही वाण म्हणून देतात. जसे की, स्टीलची छोटी भांडी, कापडी पिशव्या, हस्तकलेच्या वस्तू किंवा रोपटी. मात्र, पहिल्या वर्षी परंपरेचा मान राखत हळदी-कुंकवाच्या डबीला प्राधान्य दिले जाते.