Asia Cup : पाकिस्तानचं काही खरं नाही, रविवारी धडाडणार टीम इंडियाच्या 2 तोफा, सूर्याने खेळला मास्टरस्ट्रोक!

पहिल्या दोन्ही सामन्यांमध्ये आम्ही पहिले बॉलिंग केली, त्यामुळे या सामन्यात बॅटिंग करून आमच्या बॅटिंगची खोली किती आहे, हे पाहण्याची संधी असल्याचं सूर्यकुमार यादव टॉसवेळी म्हणाला आहे.

आशिया कपच्या पहिल्या दोन्ही सामन्यांमध्ये टीम इंडियाचा दणदणीत विजय झाला. भारताने युएईविरुद्धचा पहिला सामना 9 विकेटने आणि पाकिस्तानविरुद्धचा सामना 7 विकेटने जिंकला. या दोन्ही सामन्यांमध्ये टीम इंडियाच्या खालच्या क्रमांकाच्या बॅटरना बॅटिंगची संधी मिळाली नाही.

आशिया कपच्या सुपर-4 मध्ये भारताचे सामने पाकिस्तान, बांगलादेश आणि श्रीलंकेविरुद्ध होणार आहे. या सामन्यांआधीच भारताने सुपर-4 ची रणनीती आखली आहे. या रणनीतीचा भाग म्हणूनच टीम इंडिया ओमानविरुद्धच्या सामन्यात खेळत आहे.

ओमानविरुद्धच्या सामन्यात कॅप्टन सूर्याने टीम इंडियात दोन बदल केले आहेत. हर्षित राणा आणि अर्शदीप सिंग या दोघांना स्पर्धेत पहिल्यांदाच संधी देण्यात आली आहे, पण हा सगळा प्लान सुपर-4 च्या मॅचसाठी आखण्यात आला आहे.

सुपर-4 मध्ये भारताचा पाकिस्तानविरुद्धचा सामना 21 सप्टेंबरला, बांगलादेशविरुद्ध 24 सप्टेंबरला आणि श्रीलंकेविरुद्ध 26 सप्टेंबरला होणार आहे. सुपर-4 मध्ये सर्वाधिक विजय मिळवणाऱ्या 2 टीम 28 सप्टेंबरला आशिया कपच्या फायनलमध्ये खेळतील.