Rohit Sharma : गोलंदाजांना घाम फोडणारा 'हिटमॅन' लेकीसमोरच पराभूत,चुरशीच्या लढतीत समायराचा विजय

टीम इंडियाचा वनडे कर्णधार रोहित शर्मा सध्या त्यांच्या कुटुंबियांसोबत वेळ घालवत आहे.मात्र असे जरी असले तरी तो नेहमीच चर्चेच्या केंद्रस्थानी आहे.

कधी तो वेटलॉस करून चर्चेत येतो, तर कधी तो फिटनेस टेस्ट किंवा मैदानात घाम गाळताना दिसल्यामुळे तो चर्चेत येतो.

पण आता कारण वेगळे आहे. कारण रोहित शर्माचा त्याच्या लेकीनेच पराभव केला आहे.एका खेळामध्ये लेकीने त्याला पराभूत केलं आहे.

सोशल मीडियावर एक व्हिडिओ व्हायरल झाला आहे.या व्हिडिओमध्ये रोहित शर्मा त्याची लेक समायरा सोबत एक गेम खेळताना दिसत आहे.

'डोन्ट स्पिल द वॉटर' असं या खेळाचे नाव आहे. या खेळात समायरा काही सेंकदातच रोहित शर्माचा पराभव करते.त्यामुळे रोहितची चांगलीच नाचक्की होते.

दरम्यान रोहित शर्माने नुकतीच फिटनेस टेस्ट पास केली आहे.त्यामुळे तो ऑस्ट्रेलिया विरूद्ध खेळण्यात पात्र ठरला आहे.

रोहित शर्मा ऑस्ट्रेलिया विरूद्ध सराव सामन्यातही भाग घेणार असल्याची चर्चा होती. मात्र अचानक त्याचे नाव मागे घेण्यात आले आहे.त्यामुळे आता तो थेट मैदानात उतरताना दिसला आहे.