T20I मध्ये 150 सिक्स मारणारे फक्त 5 खेळाडू, पहिल्या नंबरवर भारताच्या 'या' खेळाडूचा दबदबा!

आजपर्यंत फक्त पाच खेळाडूंनी टी-20 आंतरराष्ट्रीय क्रिकेटमध्ये 150 किंवा त्याहून अधिक षटकार मारले आहेत. या यादीत फक्त एक नाही तर दोन भारतीय खेळाडूंचा समावेश आहे.

सध्याचा भारतीय टी-20 कर्णधार सूर्यकुमार यादवने ऑस्ट्रेलियाविरुद्ध मनुका ओव्हल येथे झालेल्या पहिल्या टी-20 सामन्यात ही कामगिरी केली. सूर्यासह या यादीतील चार खेळाडूंवर एक नजर टाकूया.

रोहित शर्मा: आंतरराष्ट्रीय टी-20 क्रिकेटमध्ये सर्वाधिक षटकार मारणाऱ्या फलंदाजांच्या यादीत रोहित शर्मा अव्वल स्थानावर आहे, त्याने 2007 ते 2024 दरम्यान 159 सामन्यांमध्ये 205 षटकार मारले. या फॉरमॅटमध्ये 200 षटकार मारणारा रोहित हा एकमेव खेळाडू आहे.

मोहम्मद वसीम: या यादीत दुसऱ्या स्थानावर युएईचा मोहम्मद वसीम आहे, ज्याने आतापर्यंत 91 टी-20 सामन्यांमध्ये 187 षटकार मारले आहेत.

मार्टिन गुप्टिल: 122 टी-20 सामन्यांमध्ये 173 षटकार मारणारा न्यूझीलंडचा मार्टिन गुप्टिल तिसऱ्या स्थानावर आहे.

जोस बटलर: इंग्लंडचा जोस बटलर 144 टी-20 सामन्यांमध्ये 172 षटकारांसह यादीत चौथ्या स्थानावर आहे.

सूर्यकुमार यादव: भारतीय कर्णधार सूर्यकुमार यादव हा टी-20 आंतरराष्ट्रीय क्रिकेटमध्ये 150 षटकार मारणारा पाचवा फलंदाज ठरला आहे. कॅनबेरा येथे ऑस्ट्रेलियाविरुद्धच्या पहिल्या टी-20 सामन्यात सूर्याने ही कामगिरी केली.