LED बल्ब किती वीज वापरतो? 1 तास चालवल्यास किती येईल बिल?

एका काळ होता जेव्हा प्रत्येक घरात ट्यूब लाईट दिसायच्या पण आता बहुतांश घरांमध्ये आपल्याला LED बल्ब पाहायला मिळतात. हे LED बल्ब सर्वात कमी उर्जा किंवा वीज वापरतात.

त्यामुळे घर, ऑफिस, मोठे मॉल इत्यादी ठिकाणी एलईडी बल्ब वापरले जातात. पण, तुम्हाला माहीत आहे का एक एलईडी बल्ब किती युनिट वीज वापरतो? तसेच LED बल्ब 1 तास चालवण्यासाठी तुम्हाला किती पैसे द्यावे लागतील? त्याबद्दल आम्ही तुम्हाला सांगतो.

वेगवेगळ्या वॉटचे एलईडी बल्ब बाजारात उपलब्ध आहेत. तुमच्या गरजेनुसार तुम्ही कोणताही बल्ब खरेदी करू शकता. पण 10 वॅटच्या LED बल्ब बद्दल बोलायचं झालं तर किती खर्च येतो?

10 वॅटचा एलईडी बल्ब एका तासात 0.01 युनिट वीज वापरतो. अशाप्रकारे तुम्ही एलईडी बल्ब दिवसभर म्हणजेच 24 तास चालू ठेवल्यास तो 0.24 युनिट वीज वापरतो.

समजा तुम्ही LED बल्ब दररोज 12 तास चालू ठेवलात. जर तुम्ही 30 दिवस दररोज 12 तास एलईडी बल्ब लावला तर तो एकूण 3.6 युनिट वीज वापरेल.

प्रत्येक राज्यात विजेचे दर वेगवेगळे आहेत. समजा तुमच्या राज्यात विजेचा दर 7 रुपये प्रति युनिट असेल तर तुम्हाला 30 दिवसांत 12 तासांसाठी 25.2 रुपये वीज बिल भरावं लागेल.