Chicken vs Mutton Liver: चिकन लिव्हर की मटण लिव्हर, आरोग्यासाठी कोणतं चांगलं?

बहुतेक लोक जे मांसाहारी पदार्थ खातात त्यात चिकन, मटण, मासे, सीफूड आलं. पण आता लोक चिकन आणि मटण लिव्हर खात आहेत. यामध्ये विविध प्रकारची खनिजे आणि पोषक तत्वे असतात, जी आरोग्यासाठी चांगली असल्याने आहारातही याचा समावेश करण्याचा सल्ला डॉक्टरही देतात.

चिकन लिव्हरमध्ये भरपूर लोह असतं. जे शरीरातील लाल रक्तपेशी वाढवतं आणि ॲनिमियापासून बचाव करतं. यामध्ये व्हिटॅमिन ए, बी12 आणि फोलेट भरपूर प्रमाणात असतं. जे दृष्टी, ऊर्जा पातळी, पेशींचे उत्पादन उत्तेजित करतात.

चिकन यकृत स्नायूंच्या वाढीसाठी आणि दुरुस्तीसाठी आवश्यक असलेल्या उच्च-गुणवत्तेच्या प्रथिनांचा सर्वोत्तम स्त्रोत आहे. त्यातील अँटिऑक्सिडंट्स रोगप्रतिकारक शक्ती वाढवतात आणि संसर्गाचा धोका कमी करतात. चिकन लिव्हरमध्ये व्हिटॅमिन ए आणि त्वचेचे आरोग्य वाढवणारे इतर पोषक घटक असतात.

मटणाच्या यकृतातही भरपूर प्रमाणात आयर्न असतं. हाडं आणि दातांच्या आरोग्यासाठी आवश्यक खनिजं त्यातून मिळतात. अशक्तपणाचे रुग्ण त्यांच्या आहारात समाविष्ट करू शकतात. हे शरीराला प्रथिनंदेखील पुरवतं, जे वर्कआउट करणाऱ्यांसाठी आवश्यक आहे.

मटण लिव्हर व्हिटॅमिन बी 12 चा उत्तम स्रोत आहे. जे नियमितपणे ते खातात त्यांच्या मेंदूचं कार्य चांगलं होतं. संज्ञानात्मक कौशल्यंदेखील वाढतं. हे सूक्ष्म अन्नद्रव्य मज्जासंस्थेला उत्तेजित करतं. मटण यकृतामध्ये असलेले व्हिटॅमिन ए, फोलेट आणि इतर जीवनसत्त्वे रोग प्रतिकारशक्ती वाढवतात आणि संपूर्ण आरोग्य राखतात.

चिकन लिव्हरच्या तुलनेत मटण यकृत आरोग्यासाठी चांगलं असल्याचं पोषणतज्ज्ञांचं म्हणणं आहे. कारण त्यात अधिक पोषक असतात. विशेषत: शरीराला यातून भरपूर आयर्न मिळतं. अशक्तपणावर फायद्याचं आहे. संपूर्ण शरीरात ऑक्सिजनचा पुरवठा वाढवतं. संपूर्ण आरोग्य राखतं.

चिकन आणि मटण यकृत दोन्ही संतुलित आहारात समाविष्ट केले जाऊ शकतात. पण यामध्ये कोलेस्टेरॉलचं प्रमाण जास्त असतं. म्हणून ते कमी प्रमाणात खावं. कोलेस्ट्रॉल, किडनी, स्नायूशी संबंधित समस्या असलेले लोक, गरोदर महिला, स्तनदा मातांनी मटण लिव्हर डॉक्टरांच्या सल्ल्यानेच खावं. तर चिकन लिव्हर आठवड्यातून एक किंवा दोनदा खाणं ठीक आहे, पणते नियमितपणे खाणे चांगलं नाही.