तेजाने महातेजाला केला स्पर्श, बुद्ध लेणीत घडला चमत्कार, पाहा Photo

ऐतिहासिक आणि धार्मिक पर्यटन असलेल्या वेरूळ लेणीतील दहा नंबरच्या लेणीतील बौद्ध मूर्तिवर किरणोत्सव सोहळा पर्यटकासह भाविकांना अनुभवयास मिळाला.

ऐतिहासिक आणि धार्मिक पर्यटन असलेल्या वेरूळ लेणीतील दहा नंबरच्या लेणीतील बौद्ध मूर्तिवर किरणोत्सव सोहळा पर्यटकासह भाविकांना अनुभवयास मिळाला.

या लेण्यांमधील दहा नंबरची बौद्ध लेणी ही चैत्य तर बाकीच्या बौद्ध लेणी या विहार आहेत.

या लेण्यातील दहा नंबरच्या बौद्ध लेणीवर सूर्य उत्तरायणला जात असताना सूर्यकिरणे येत असतात. ही सूर्यकिरणें मूर्तिच्या चेहऱ्यावर आली असल्याचं पाहायला मिळालं. गेली सहा वर्षापासून दरवर्षी हा सूर्यकिरणोत्सव होत आहे.

गुहेत प्रवेश केल्याबरोबरच भगवान बुद्ध बोधीवृक्षाखाली बसलेले दिसतात, ते धम्मचक्र प्रवर्तन मुद्रेत बसले आहेत. भगवान बुद्धाच्या उजव्या हाताला बोधिसत्व पद्मपाणी आणि डाव्या हातास बोधिसत्व वज्रपाणी पाहायला मिळतात. तर मागच्या बाजूला स्तूप आहे. लेणीतील छताला गज पृष्ठाकृती आकार दिलेला दिसून येतो. तर समोरच वाद्य मंडप दिलेला आहे.

हा सोहळा पाहण्यासाठी लांबवरुन लोक येथे जमतात. येणाऱ्या पाच ते सहा दिवसांसाठी हा आगळावेगळा अनुभन पर्यटकांना अनुभवता येणार आहे.

महाराष्ट्रातील बौद्ध लेणीतील हा शेवटचा चैत्य असून हा महायानास समर्पित आहे. तर यामध्ये वज्रयाणाची काही शिल्पे देखील पहायला मिळतात. यालाच सुतार की झोपड़ी किंवा विश्वकर्मा मंदिर ही म्हणतात. तर गुजरात मधील लोक बुद्धालाच विश्वकर्मा समजून येथे नमन करतात. याचा उल्लेख त्यांच्या धार्मिक ग्रंथात ही आहे.