Maharashtra Result 2024: जरांगेंच्या जालन्यात मविआचा सुपडा साफ, पाचही जागा महायुतीच्या पारड्यात कशा?

नारायण काळे, प्रतिनिधी, जालना : महाराष्ट्र विधानसभेच्या निवडणुकीसाठी आज मतमोजणी होत आहे. मतमोजणीच्या कलांमध्ये महायुतीने मोठी आघाडी घेतली असून प्रचंड विजयाच्या दिशेने वाटचाल सुरू आहे. मराठवाड्यातील मराठा आरक्षणाच्या केंद्रबिंदू असलेल्या जालना जिल्ह्यात महायुतीच्या पाचही जागा आघाडीवर असल्याचे पाहायला मिळते. त्यामुळे जरांगे फॅक्टर निष्प्रभ ठरल्याचे चित्र आहे. निवडणुकीआधी जरांगे फॅक्टरचा बोलबाला मराठवाड्यात राहील असं विश्लेषकांचे मत होतं. मात्र लाडकी बहीण योजना आणि सरकारने शेतकऱ्यांसाठी निवडणुकीच्या तोंडावर राबवलेल्या योजनांनी जरांगे फॅक्टर वर मात केल्याचं पाहायला मिळतेय. जालना जिल्ह्यामध्ये मनोज जरांगे फॅक्टर निष्प्रभ ठरण्याची काय कारणे आहेत? हे आम्ही ज्येष्ठ पत्रकार सुरेश कुलकर्णी यांच्याकडून जाणून घेतलं पाहुयात.