महाराष्ट्राच्या सध्याच्या राजकीय परिस्थितीमध्ये 4 नोव्हेंबर ही महायुती आणि महाविकास आघाडी यांच्यासाठी महत्त्वाची तारीख ठरणार आहे. महायुती आणि महाविकास आघाडीमध्ये तीन-तीन मोठे पक्ष असल्यामुळे जागा वाटपामध्ये अजूनही वादावादी सुरू आहे. तसंच तीन पक्ष असल्यामुळे प्रत्येक पक्षाला जागाही कमी येणार आहेत, त्यामुळे बंडखोरीही वाढणार आहे. अशात बंडखोरांना रोखण्यात कोण यशस्वी ठरतो, यावरही महाराष्ट्रात कुणाची सत्ता येणार? याचा फैसला ठरू शकतो, या कारणामुळेच 4 नोव्हेंबर ही तारीख महाराष्ट्राच्या राजकारणासाठी महत्त्वाची ठरू शकते.