Ajit Pawar : 'निवडणूक होऊ द्या! एक एकाला कसा सरळ करतो पहाच तुम्ही' अजितदादांनी कोणाला भरला दम?

पुणे, (रायचंद शिंदे, प्रतिनिधी) : बारामती लोकसभा मतदारसंघाच्या निवडणुकीनंतर अजित पवार यांनी आपला मोर्चा शिरूरकडे वळवला आहे. शिरूर लोकसभा मतदारसंघातून महाविकास आघाडीकडून विद्यमान खासदार डॉ. अमोल कोल्हे हे लोकसभा निवडणुकीच्या मैदानात आहेत. त्यांच्या विरोधात राष्ट्रवादी अजित पवार गटाचे महायुतीचे उमेदवार शिवाजीराव आढळराव-पाटील हे आहेत. निवडणुका जाहीर झाल्यानंतर अजित पवारांनी अमोल कोल्हेंना निवडणुकीत पाडणार असे आव्हान दिले होते. त्यामुळे शिरूर लोकसभेची ही लढत आता प्रतिष्ठेची झाली आहे. आज अजित पवार यांची शिवाजीराव आढळराव-पाटील यांच्यासाठी घोडेगाव, आंबेगाव येथे सभा पार पडली. या सभेतून अजितदादांनी अमोल कोल्हे यांचं नाव न घेता दम भरला आहे.