Railway Ticket Booking : रेल्वे मंत्रालयाचा मोठा निर्णय! पोस्ट ऑफिसमधून काढा रेल्वे तिकीट, स्टेप बाय स्टेप प्रक्रिया जाणून घ्या

पिंपरी : रेल्वे प्रवाशांसाठी एक अत्यंत आनंदाची बातमी समोर आलेली आहे. ज्यानुसार आता प्रवाशांना आता आपल्या परिसरातील पोस्ट ऑफिसमधूनही रेल्वे प्रवासाचे तिकीट बुक करता येणार आहे. दिवाळीच्या काळात गावी जाण्यासाठी रेल्वे तिकिटांसाठी मोठी गर्दी असते. रेल्वेच्या काउंटरवर सहज तिकीट मिळवणे कठीण जाते. तसेच अनेकदा आयआरसीटीसीच्या संकेतस्थळावर तांत्रिक समस्या येतात आणि बुकिंग अडकते. अशावेळी प्रवाशांना मोठी अडचण होते. मात्र आता या सुविधेमुळे प्रवाशांना दिलासा मिळणार आहे. चला तर जाणून घेऊयात पोस्ट ऑफिसमधून कशा प्रकारे तिकीट बुकिंग करता येईल.