Ajit Pawar : ‘तुझी भीती होती, पण तू निवडून आलीस’,10 दिवसांपूर्वीच झाली होती अजितदादांची भेट; वर्षा यांना अश्रू अनावर

पिंपरी-चिंचवड येथील संत तुकाराम नगर प्रभाग क्रमांक 20 मधून निवडून आलेल्या नगरसेविका वर्षा जगताप यांनी अजितदादा पवार यांच्या निधनावर तीव्र दुःख व्यक्त केल आहे. अजितदादा आपल्याला सोडून गेले, यावर अजूनही विश्वास बसत नसल्याची भावना त्यांनी व्यक्त केली. महानगरपालिकेच्या निवडणुकीच्या निमित्ताने अजितदादांशी अतिशय जवळचा संबंध आला होता. या निवडणुकीसाठी त्यांनी आम्हाला मोलाचे मार्गदर्शन केले. त्यांच्यामुळेच मला या निवडणुकीत यश मिळाल्याचे त्यांनी सांगितले. अजितदादा कायम लहान-मोठ्या कार्यकर्त्यांना मार्गदर्शन करत असत. जिथे चूक होत असे तिथे योग्य वाट दाखवत असत, अशा शब्दांत त्यांनी त्यांच्या आठवणींना उजाळा दिला.