महाराष्ट्रात पहिल्यांदाच मासिक पाळीवर आधारित जिवंत देखावा, पुण्यातील संयुक्त मित्र मंडळाने केला सादर

पुणे : गणेश उत्सव हा मोठ्या उत्साहात साजरा केला जातो आणि गणेश उत्सवाला देखाव्यांची परंपरा आहे. हीच परंपरा पुढे नेत पुण्यातील वेगवेगळी मंडळ हे देखावे सादर करत असतात. पुण्यातील सदाशिव पेठ येथे असलेल्या संयुक्त मित्र मंडळाने मासिक पाळीवर समाजप्रबोधन पर संगीतमय जिवंत देखावा सादर केला आहे. या देखाव्याची संकल्पना संयुक्त मित्र मंडळाचे सदस्य पियूष शहा यांची आहे.

पियूष शहा यांनी या देखाव्याबद्दल माहिती देताना सांगितले की, आपण बघतो की मासिक पाळीवर अजून देखील उघड पणे बोल जात नाही. आणि आता गणेश उत्सवाच स्वरूप बदल आहेत. त्यामुळे असा सामाजिक विषय घेऊन ते चार दिवस असा सुंदर देखावा तयार केला आहे. साडे पंधरा मिनिटचा हा पूर्ण देखावा आहे. यामध्ये 8 वर्षापासून ते 50 वर्षापर्यंत यामध्ये महिला मुली सहभागी आहेत.