हिंदू - मुस्लिम ऐक्याची 77 वर्षांची परंपरा, जालन्यातील पहिला मानाचा गणपती

यंदा या मंडळांनी गुजरात येथील सहारानपुर येथील हनुमंताचा देखावा सादर केला आहे. चार कर्मचारी या ठिकाणी सुरक्षेसाठी तैनात असतात. तर संपूर्ण शहरभरातून मानाच्या गणपतीचे दर्शन घेण्यासाठी नागरिक येत असतात. सायंकाळच्या वेळी आपत्कालीन परिस्थिती हँडल करण्यासाठी दोन पोलीस कर्मचारी तर दोन होमगार्डची नियुक्ती केलेली असते. विसर्जन मिरवणुकीत मामा चौक येथे या गणेश मंडळाच्या मूर्तीची जिल्हाधिकारी आणि जिल्ह्यातील लोकप्रतिनिधींच्या हस्ते आरती होते. यानंतरच विसर्जन मिरवणुकीला सुरुवात होते. नवरात्र उत्सवामध्ये चांदीच्या गणेश मूर्तीसाठी मंदिराच्या बांधकामाचं काम सुरू करणार असल्याचं सचिव अल्केश अग्रवाल यांनी सांगितलं.

"मी चार वर्षांपूर्वी जालना शहरात आलो आहे. घनसावंगी येथील सामान्य रुग्णालयात मी कार्यरत आहे. चार वर्षांपूर्वी नवयुवक गणेश मंडळा बद्दल मी ऐकलं. यानंतर या मंडळातील सदस्य आणि लोकांबरोबर चांगली ओळख झाली. मला लोकांबद्दल आस्था वाटू लागली. इथे मोठ्या प्रमाणावर सौहार्द पाहायला मिळालं. यामुळे चार वर्षांपूर्वीच मी या मंडळाचा सदस्य झालो असून दररोज गणपतीच्या आरतीला हजर असतो, असं अर्शद पटेल यांनी सांगितलं