Pune Metro : पुणेकरांना मिळणार खास सव्हिर्स, महामेट्रोने घेतला मोठा निर्णय

महामेट्रो या प्रकल्पासाठी सविस्तर अहवाल तयार करत आहे. या मार्गावर 25 ट्रेन लोकोपायलटशिवाय म्हणजेच चालकाविना, आधुनिक यंत्रणेद्वारे चालवल्या जाण्याची शक्यता आहे. सध्या पुणे मेट्रोचे पिंपरी–चिंचवड ते निगडीपर्यंतचे काम जोरात सुरू आहे तर इतर मार्गांवरील कामे निविदा टप्प्यात आहेत. प्रस्तावित खडकवासला–स्वारगेट–हडपसर–खराडी हा सर्वात लांब मार्ग असल्याने त्यावर नवीन तंत्रज्ञान वापरण्याचा विचार केला जात आहे. या ट्रेन पूर्णपणे ऑटोमेटेड असतील, जशा दिल्ली आणि इतर काही शहरांमध्ये आधीच सुरू झाल्या आहेत.

या मेट्रो मार्गाला केंद्र सरकारची अंतिम मान्यता मिळाल्यानंतरच प्रत्यक्ष कामाला सुरुवात होईल. मान्यता मिळाल्यानंतर तातडीने काम सुरू करण्याचे उद्दिष्ट ठेवले गेले आहे. एकदा हा प्रकल्प पूर्ण झाला आणि मेट्रो धावू लागली की, सिंहगड रोड, हडपसर आणि खराडीसारख्या भागांतील रोजच्या वाहतूक कोंडीपासून नागरिकांना मोठा दिलासा मिळेल.