पुणेकरांसाठी गुड न्यूज! बाप्पांच्या दर्शनासाठी करा मेट्रोनं प्रवास, गणेशोत्सवासाठी नवं वेळापत्रक जारी

गणेशोत्सवासाठी दरवर्षी लाखो भाविक पुण्यात येत असतात. यंदा नुकताच सुरू झालेला जिल्हा न्यायालय ते स्वारगेट हा भूमिगत मेट्रो मार्ग या भाविकांसाठी विशेष सोयीचा ठरणार आहे. या मार्गावर जिल्हा न्यायालय, कसबा पेठ, मंडई आणि स्वारगेट ही प्रमुख स्थानके येतात आणि याच परिसरात शहरातील बहुतेक मानाची गणपती मंडळे आहेत. मेट्रो प्रशासनाच्या मते, या निर्णयामुळे नागरिकांना प्रचंड वाहतूक कोंडी टाळून थेट आणि सुरक्षितपणे गणपती मंडळांपर्यंत पोहोचता येईल. त्यामुळे यंदाचा उत्सव अधिक सुलभ होईल.

27 ते 29 ऑगस्ट 2025 या कालावधीत मेट्रो सेवा नियमित वेळेनुसारच धावतील. या दिवसांत सेवा सकाळी 6 ते रात्री 11 पर्यंत सुरू राहील.