Nag Panchami 2024 : नागांना दूध पाजणं योग्य की अयोग्य?, सर्पमित्रांनी दिली महत्त्वाची माहिती

पुणे : भारतात वेगवेगळ्या जाती धर्माचे लोक राहतात. त्यामुळे भारतातील वेगवेगळ्या भागात लोकं आपापल्या परंपरेप्रमाणे सण साजरे करतात. यामध्ये एक परंपरा आहे, ज्यात नागपंचमीला लोक नागांना दूध पाजतात. परंतु नागांना खाऊ घालणे किती योग्य आणि अयोग्य आहे, हे फार कमी लोकांना माहित आहे. अपुऱ्या ज्ञानामुळे आपण नागाला दूध देणे हे पुण्याचे काम मानतो, परंतु तसे अजिबात नाही. यामुळे नागाचा मृत्यू सुद्धा होऊ शकतो. सर्पमित्र राजू कदम यांनी ही माहिती दिली.

लोकल18 शी बोलताना त्यांनी सांगितले की, नागपंचमीला सापांना दूध पाजण्याची प्रथा सगळीकडे आहे. परंत नागांना दूध पाजणे हे फार धोकादायक आहे. दूध पिल्याने नागाचे फुफ्फुसे आणि आतडेही खराब होतात आणि नंतर काही दिवसांनी त्यांचा मृत्यू होतो. म्हणूनच नागांना कधीही दूध पाजू नका, असं सर्पमित्र सांगतात. साप रेंगळणाऱ्या प्राण्यांमध्ये येतात, जे पूर्णपणे मांसाहारी असतात. साप हे बेडूक, उंदीर, पक्षी, सरडे, इतर लहान साप वगैरे खातात. साप दूध पितो हे पूर्णपणे चुकीचे आहे. ही एक चुकीची परंपरा आहे, जी आपण वर्षानुवर्षे मानत आलो आहोत.

सापांसाठी खरंतर दूध विष असतं. नाग मासांहारी असतात. दूध प्यायल्यामुळे दुर्धर आजार जडून त्यांचा मृत्यू होतो. पण अनेक दिवसांपासून तहानले असल्यामुळे तहान भागवण्यासाठी देण्यात येणारं दूध ते लगेच पितात. शहरातील, गावातील भाविकांना आपण त्यांना नैवेद्य दाखवतोय असं वाटतं. पण वास्तवात ते त्यांना मृत्यूच्या दारात ढकलत असतात. हे दूध पिऊनच हळूहळू या सापांचा मृत्यू होतो. वैज्ञानिकदृष्ट्या नागांना दूध देणे चुकीचे मानले जाते. यामुळे त्यांचा जीव धोक्यात येऊ शकतो. वास्तविक नाग हा सरपटणारा जीव आहे. सरपटणारे प्राणी दूध पचवू शकत नाहीत, असं सर्पमित्र यांनी म्हटले आहे.

दूध पिल्याने नागाचे फुफ्फुसे आणि आतडेही खराब होतात आणि नंतर काही दिवसांनी त्यांचा मृत्यू होतो. म्हणूनच नागांना कधीही दूध पाजू नका, असं सर्पमित्र सांगतात. साप रेंगळणाऱ्या प्राण्यांमध्ये येतात, जे पूर्णपणे मांसाहारी असतात. साप हे बेडूक, उंदीर, पक्षी, सरडे, इतर लहान साप वगैरे खातात. साप दूध पितो हे पूर्णपणे चुकीचे आहे. ही एक चुकीची परंपरा आहे, जी आपण वर्षानुवर्षे मानत आलो आहोत, असे सर्पमित्र म्हणतात.