'उपमुख्यमंत्र्यांना ती गोष्ट खूप जड जाणार'; जरांगे पाटलांचा पुन्हा फडणवीसांना इशारा

पुणे, प्रतिनिधी : आज मराठा आंदोलक मनोज जरांगे पाटील हे पुणे जिल्ह्याच्या दौऱ्यावर आहेत. त्यांनी आपल्या या दौऱ्यामध्ये पुण्यातील मराठा समाजाच्या पदाधिकाऱ्यांची आणि कार्यकर्त्यांची भेट घेतली. यावेळी बोलताना त्यांनी पुन्हा एकदा उपमुख्यमंत्री देवेंद्र फडणवीस यांच्यावर जोरदार हल्लाबोल केला आहे. राज्यातील मराठा समाजाच्या मनात खदखद आहे. मराठा समाजाला आरक्षण देतो असं सांगून उपमुख्यमंत्री आणि मुख्यमंत्र्यांनी धोका दिला. त्यामुळे आगामी लोकसभा निवडणुकीत मराठा समाज आपला रोष व्यक्त करेल असं मनोज जरांगे पाटील यांनी म्हटलं आहे.