बायकांसारखी साडी का नेसतोस? टोमण्यांतून घडला महाराष्ट्राचा लावणी सम्राट, किरण कोरेचा प्रवास

आई-वडिलांच्या निधनानंतर किरण कोरे यांनी लावणीला प्रोफेशन म्हणून स्वीकारलं. सुरुवातीला भावकीतील आणि परिसरातील लोक त्यांना टोमणे मारायचे. बायकांसारखी साडी नेसून कशाला नाचतोस? असे शब्द त्यांना ऐकावे लागले. तरीही त्यांनी हार न मानता मेहनत सुरू ठेवली आणि स्वतःची वेगळी ओळख निर्माण केली. आज तेच लोक अभिमानाने त्यांना लावणी सम्राट म्हणतात. किरण कोरे हे उत्तम मेकअप आर्टिस्ट देखील आहेत. त्यांना लावणीसाठी 400 हून अधिक पुरस्कार मिळाले आहेत, तसेच फोक डान्ससाठी श्रीलंका आणि थायलंड येथे दोन वेळा आंतरराष्ट्रीय गोल्ड मेडल मिळालं आहे.