खडकवासल्यात थरार; पार्टी अन् मस्करीनंतर मित्राच्या डोक्यात झाडली गोळी, सकाळी पुलाखालचं दृश्य पाहून सगळे हादरले

पुरावा नष्ट करण्याचा प्रयत्न: मित्राचा मृत्यू झाल्याचे पाहून घाबरलेल्या इतर आरोपींनी पुरावा नष्ट करण्याच्या उद्देशाने विशालचा मृतदेह डोणजे (ता. हवेली) येथील पानशेत रस्त्यावरील एका पुलाखाली फेकून दिला आणि तिथून पळ काढला. बुधवारी सकाळी या मृतदेहाची माहिती मिळताच हवेली पोलिसांनी तातडीने घटनास्थळी धाव घेतली.

हवेली पोलीस ठाण्याच्या पोलीस निरीक्षक वैशाली पाटील आणि त्यांच्या पथकाने घटनास्थळाचा पंचनामा करून मृतदेह शवविच्छेदनासाठी ससून रुग्णालयात पाठवला आहे. पुणे ग्रामीणचे अपर पोलीस अधीक्षक रमेश चोपडे यांनी दिलेल्या माहितीनुसार, हा खून नेमका कोणत्या कारणास्तव झाला याचा सखोल तपास सुरू आहे. संशयित आरोपींच्या शोधासाठी पोलिसांची पथके रवाना करण्यात आली आहेत. खडकवासला सारख्या पर्यटन स्थळाजवळ घडलेल्या या थरारामुळे परिसरात दहशतीचे वातावरण पसरले आहे.