Pimpri News : पिंपरीकरांनो लक्ष द्या! खड्ड्यांमुळे झालेल्या अपघाताचे पैसे अधिकारी अन् कंत्राटदारांच्या खिशातून; उच्च न्यायालयाचा आदेश
Last Updated:
Pimpri Pothole Accident Compensation : पिंपरी-चिंचवड शहरात राहणाऱ्या नागरिकांसाठी महत्त्वाची बातमी समोर येत आहे. आता शहरातील खड्यांमुळे अपघात झाल्यास दुखापतीची सर्व रक्कम कंत्राटदार किंवा अधिकाऱ्यांच्या पगारातून मिळणार आहे.
पिंपरी : पिंपरी शहरात खड्ड्यांमुळे अपघात होणे ही दरवेळीची गंभीर समस्या बनली आहे. यामध्ये काही लोकांचा मृत्यू झाला आहे तर काही जखमी झाले आहेत. अशा परिस्थितीत मृत आणि जखमींच्या नातेवाईकांना नुकसानभरपाई मिळावी असे मुंबई उच्च न्यायालयाने स्पष्ट आदेश दिला आहे. न्यायालयाच्या आदेशानुसार ही नुकसानभरपाई कंत्राटदाराच्या बिलातून किंवा महापालिकेच्या अधिकाऱ्यांच्या पगारातून वसूल केली जावी असा स्पष्ट इशारा देखील न्यायालयाने दिला आहे.
न्यायालयाने हे आदेश सुनावणीदरम्यान दिले, ज्यात न्यायमूर्ती रेवती मोहिते-डेरे आणि न्यायमूर्ती संदेश पाटील यांनी राज्य सरकारला सूचना दिल्या की मृत आणि जखमींच्या नातेवाईकांना नुकसानभरपाई मिळावी यासाठी तात्काळ धोरण तयार करावे. न्यायालयाच्या या आदेशामुळे महापालिकेच्या स्थापत्य विभागातील अधिकाऱ्यांमध्ये काळजी आणि धाकधूक वाढली आहे. कारण आता त्यांच्या कामातील चुकांमुळे होणाऱ्या नुकसानाची जबाबदारी अधिक स्पष्ट झाली आहे.
advertisement
राज्यात खड्ड्यांमुळे होणारे अपघात ही वारंवार घडणारी समस्या आहे. अनेकदा अपघातानंतर फक्त महापौर कार्यालयाकडून किरकोळ मदत मिळते. जी जखमी किंवा मृतकांच्या कुटुंबासाठी पुरेशी नसते. प्रशासकीय काळात अशी मदत जवळजवळ बंदच राहिली होती. त्यामुळे अनेक कुटुंबे आर्थिकदृष्ट्या अडचणीत राहिली.
आता न्यायालयाच्या आदेशानंतर या कुटुंबांना नुकसानभरपाई मिळेल का हे पाहणे महत्वाचे ठरले आहे. या निर्णयामुळे भविष्यात अपघात घडल्यास, जखमी आणि मृतकांच्या कुटुंबांना तातडीने आर्थिक मदत मिळण्याची शक्यता वाढली आहे. तसेच महापालिकेच्या अधिकाऱ्यांमध्ये आपले काम नीट करावे लागेल अशी जबाबदारी निर्माण झाली आहे.
advertisement
एकूणच न्यायालयाच्या या निर्णयामुळे पिंपरीमध्ये खड्ड्यांमुळे होणाऱ्या अपघातांबाबत प्रशासनाची जवाबदारी स्पष्ट झाली आहे. मृतक आणि जखमींच्या कुटुंबांना योग्य तो निधी मिळवून देणे आता महापालिकेसाठी अनिवार्य ठरणार आहे. या निर्णयामुळे भविष्यात अपघात कमी करण्यासाठी उपाययोजना करण्याचीही गरज महापालिकेवर वाढली आहे.
Location :
Mumbai,Maharashtra
First Published :
October 04, 2025 12:01 PM IST
मराठी बातम्या/पुणे/
Pimpri News : पिंपरीकरांनो लक्ष द्या! खड्ड्यांमुळे झालेल्या अपघाताचे पैसे अधिकारी अन् कंत्राटदारांच्या खिशातून; उच्च न्यायालयाचा आदेश
