Wether Update : अवकाळीनंतर राज्यावर नवं संकट, उष्णतेची येणार लाट, हवामान विभागाचा अलर्ट

पुणे : एप्रिल महिन्याच्या सुरुवातीला राज्यात पावसाचे वातावरण होते. त्याचबरोबर विविध ठिकाणी हलका ते मध्यम पाऊस सुद्धा झालाय. त्यामुळे नागरिकांना उष्णतेपासून काहीसा दिलासा मिळाला होता. मात्र, आता राज्यातील तापमानात चांगलीच वाढ होताना दिसून येत आहे. विदर्भातील काही जिल्ह्यांतील तापमान हे 43 ते 44 अंश सेल्सिअसपर्यंत जाण्याची शक्यता असल्याचं हवामान विभागानं सांगितलंय. पाहुयात 6 एप्रिलला राज्यातील काही प्रमुख शहरांमध्ये तापमान आणि हवामानाची स्थिती कशी असेल.