Vanraj Andekar : गळ्यात सोन्याची साखळी, हातात सोन्याचं कडं, आंदेकराला मारणाऱ्या मास्टरमाइंडचा PHOTO समोर

पुणे : रविवारी रात्री 9.45 च्या सुमारास पुण्याच्या नाना पेठेमध्ये राष्ट्रवादीचे माजी नगरसेवक वनराज आंदेकरची हत्या करण्यात आली. दुचाकींवरून आलेल्या हल्लेखोरांनी वनराज आंदेकरवर पाच ते सहा राऊंड फायर केले, यानंतर त्याच्यावर कोयत्यानेही वार केले. हल्ल्यानंतर वनराज आंदेकरला केईएम रुग्णालयात नेण्यात आलं, पण तिथे त्याला मृत घोषित करण्यात आलं. पूर्व वैमनस्य आणि कौटुंबिक वादातून वनराज आंदेकरची हत्या करण्यात आली आहे.

वनराज आंदेकरची हत्या त्याच्याच दोन बहिणी आणि दोन मेहुण्यांच्या मदतीने केल्याचा आरोप वनराजचे वडील बंडू आंदेकरनी केला आहे. पूर्व वैमनस्य असलेल्या सोमनाथ गायकवाडची मदत घेऊन कौटुंबिक वादातून बहिणी आणि मेहुण्यांनी वनराजच्या हत्येचा प्लान बनवला. दरम्यान सोमनाथ गायकवाडची काही रील आता सोशल मीडियावर व्हायरल होत आहेत. या रीलमध्ये सोमाभाऊ गायकवाड किंग ऑफ पुणे, असं लिहिण्यात आलं आहे. तसंच गळ्यात सोन्याच्या चेन आणि हातात सोन्याचं कड असलेला सोमनाथ गायकवाडचा फोटोही सोशल मीडियावर व्हायरल होत आहे.