खोलीत जाताच समोर दिसला बिबट्या अन्...; मुळशीतील फार्महाऊसच्या केअरटेकरसोबत घडली थरारक घटना

पुणे : मुळशी तालुक्यातील होतले परिसरात एका खासगी फार्महाऊसच्या केअरटेकरवर बिबट्याने अचानक हल्ला केल्याची थरारक घटना घडली आहे. मंगळवारी २५ नोव्हेंबर रोजी रात्री ११ वाजण्याच्या सुमारास ही घटना घडली. ज्यात बिबट्याच्या नखांमुळे गोविंद सोनवणे नावाचा केअरटेकर जखमी झाला आहे. या घटनेमुळे होतले परिसरात भीतीचे वातावरण पसरले असून नागरिकांनी वनविभागाकडून तातडीने अधिक प्रतिबंधात्मक उपाययोजना करण्याची मागणी केली आहे.