पुण्यामध्ये AI मुळे नोकरी जात आहे का? सरकारने गणित मांडून सगळंच सांगितलं

विधान परिषदेतील सदस्यांनी, 'टाटा कन्सल्टन्सी सर्व्हिसेस प्रमाणे राज्यातील इतर आघाडीच्या कंपन्यांनीसुद्धा कर्मचारी कपात केल्यास अनेक कुटुंबांचा रोजगार जाईल का?' असा महत्त्वपूर्ण प्रश्न उपस्थित केला होता. या प्रश्नाला उत्तर देताना सरकारने आकडेवारी सादर केली. सरकारने स्पष्ट केले की, राज्यात पुणे शहरातील सुमारे ४५ हजार कर्मचाऱ्यांपैकी ३७६ कर्मचाऱ्यांना कंपनीने कामावरून कमी केले आहे. मात्र, ही कपात एआयमुळे केलेली नाही, असे संबंधित कंपनीने सरकारला कळवले आहे.

मंत्री ॲड. फुंडकर यांनी दिलेले हे स्पष्टीकरण राज्यातील आयटी (IT) आणि सेवा क्षेत्रात काम करणाऱ्या लाखो कर्मचाऱ्यांसाठी मोठा दिलासा देणारे आहे. एआयमुळे नोकऱ्यांवर संकट येईल, अशी भीती व्यक्त होत असताना, सरकारने विधान परिषदेत ही वस्तुस्थिती समोर आणली आहे. सध्या तरी महाराष्ट्रातील कर्मचारी कपातीचा थेट संबंध एआय तंत्रज्ञानाशी नसल्याचे स्पष्ट झाले आहे.