Pune Fraud: ती लग्नासाठी जोडीदार शोधत होती अन् 'तो' भेटला; आदर्शनं 14 महिने पुण्याच्या महिलेसोबत नको ते केलं, शेवटी घडलं धक्कादायक

पिंपरी-चिंचवड: लग्नासाठी आपल्याला चांगला आणि प्रामाणिक जोडीदार मिळावा, अशी प्रत्येकाचीच इच्छा असते. अनेक लोक ऑनलाईन साईट्सवरून आपला जोडीदार शोधतात. मात्र, या प्रक्रियेत नवी ओळख झालेल्या व्यक्तीवर पूर्णपणे विश्वास ठेवणं कधीकधी घातक ठरू शकतं. याचाच प्रत्यय देणारी एक घटना समोर आली आहे. यात मॅट्रिमोनिअल ॲपवर जोडीदार शोधणं एका महिलेला चांगलंच महागात पडलं आहे. 'शादी डॉट कॉम'वर (Shaadi.com) ओळख झालेल्या एका भामट्याने लग्नाचं खोटं आमिष दाखवून महिलेची तब्बल ३१ लाख २० हजार २५७ रुपयांची फसवणूक केल्याची धक्कादायक घटना उघडकीस आली आहे. या प्रकाराने सायबर क्राईमच्या विश्वात पुन्हा एकदा खळबळ उडाली आहे.