22 वर्षांची सेवा, पुणे मनपात दरारा असणारे शहर अभियंता प्रशांत वाघमारे सेवानिवृत्त, असा राहिला प्रवास

पुणे : पुणे महापालिकेतील शहर अभियंता पदावरून प्रशांत वाघमारे हे काल सेवानिवृत्त झाले. गेल्या 22 वर्षांपासून त्यांनी शहर अभियंता म्हणून जबाबदारी सांभाळली. त्यांच्या सेवानिवृत्तीनिमित्त आयोजित निरोप समारंभाला महापालिकेतील अधिकारी-कर्मचारी, स्थानिक प्रशासन तसेच नागरिकांनी मोठ्या प्रमाणात उपस्थिती लावली होती. या समारंभातील गर्दीचे व्हिडीओ सोशल मीडियावर व्हायरल होत आहेत. प्रशांत वाघमारे यांच्या सेवानिवृत्तीनंतर अनिरुद्ध पावसकर हे पुणे महापालिकेचे पुढील शहर अभियंता म्हणून कार्यभार स्वीकारणार आहेत. याबाबतचे आदेश महापालिका आयुक्त नवल किशोर राम यांनी जारी केले आहेत.