शाहीरी पोवाडा ते शिवगीते, जालन्यात घडतायत लोककलावंत, इथं मोफत प्रशिक्षण, Video

जालना शहरातील जेईएस महाविद्यालयाचा लोककला विभाग मागील तीन वर्षांपासून लोककला प्रशिक्षण शिबिर आयोजित करत आहे. यावर्षी महाराष्ट्र शासनाच्या लोककला विभागाच्या पुढाकाराने शाहिरी शिबिर संपन्न होत आहे. शिबिरात राज्यातील वेगवेगळ्या जिल्ह्यातील 20 विद्यार्थी सहभागी झाले आहेत. त्यांच्या राहण्याची व्यवस्था महाविद्यालयातच करण्यात आली.

या शिबिरात आम्हाला फक्त गाणं म्हणायला शिकवलं नाही. तर गाण्याची निर्मिती कशी होते. उगम कसा होतो. कशी शब्दरचना केली जाते. ते गाणं तालासुरात कसं बसवलं जातं हे देखील शिकवण्यात आलं. त्याचबरोबर केवळ शाहीर होऊन चालणार नाही. तर शाहिराने आधी माणूस म्हणून कसं, असावं हे देखील सांगितलं. त्यामुळे हे शिबिर अतिशय उपयुक्त ठरलं, अशी भावना विश्वजीत उगले यांनी व्यक्त केली.