1-1 करत महिला कामगारानेच गायब केल्या दुकानातील दीड लाखाच्या साड्या; शेवटी..., पुण्यातील विचित्र घटना

पुणे: पुण्यात चोरीच्या घटनांमध्ये दिवसेंदिवस वाढ होताना दिसत आहे. अशातच आता चोरीची आणखी एक विचित्र घटना समोर आली आहे. यात शहराच्या औंध परिसरात वस्त्रदालनात (बुटीक) काम करणाऱ्या एका महिला कर्मचाऱ्यानेच आपल्या मालकिणीचा विश्वासघात केला. तिने दुकानातील मौल्यवान साड्या आणि इतर साहित्य चोरून नेल्याची घटना उघडकीस आली आहे. चोरीला गेलेल्या ऐवजाची किंमत सुमारे दीड लाख रुपये इतकी आहे. या प्रकरणी चतुःश्रृंगी पोलिसांनी तक्रारदार महिलेच्या फिर्यादीवरून संबंधित कामगार महिलेवर गुन्हा दाखल केला आहे.