भयंकर! मध्यरात्री उठला अन् मालकाच्या सासर्‍यालाच संपवलं; पुण्यात हॉटेल कामगाराचं क्रूर कृत्य, कारण हादरवणारं

पुणे : आजकाल अगदी लहानांपासून ते ज्येष्ठांपर्यंत सगळ्यांच्या हातात सर्रास मोबाईल पाहायला मिळतो. प्रत्येकासाठी हा दैनंदिन आयुष्याचा अगदी महत्त्वाचा भागच बनला आहे. मात्र, कधीकधी याच मोबाईलसाठी अतिशय टोकाची पाऊलं उचलल्याच्या घटनाही समोर येतात. अशीच एक हादरवणारी घटना पुण्याच्या भोर तालुक्यातील जांभळी परिसरात घडली आहे. यात एका साध्या मोबाईलच्या वादातून हत्येची थरारक घटना घडली. हॉटेल मालकाने नवीन मोबाईल विकत घेऊन दिला नाही, या क्षुल्लक कारणावरून कामगार चि़डला. यानंतर या परप्रांतीय कामगाराने मालकाच्या ७५ वर्षीय सासऱ्याचा बोथट हत्याराने वार करून निर्घृण खून केला.