Pune Police : भयंकर! पुण्यात पोलिस सुरक्षित नाही, ड्युटीवरून परतणाऱ्या कर्मचाऱ्यावर गुंडांकडून कोयत्याने वार

पहिल्यांदा तर दुचाकीवरुन आरोपी आले आणि थेट त्यांनी काटकर यांच्या डोक्यात कोयत्याने वार केले. रस्त्यावर अशा प्रकारे सशस्त्र हल्ला होणे हे पुणे शहरातील गुंडांची वाढलेली हिंमत आणि पोलिसांना नसलेला धाक स्पष्टपणे दर्शवते.

कायदा आणि सुव्यवस्थेचे रक्षकच जेव्हा रस्त्यावर असुरक्षित होतात तेव्हा संपूर्ण पोलीस यंत्रणा आणि गृह विभागावर मोठे प्रश्नचिन्ह उभे राहते. कोयता गँगच्या दहशतीने पुणेकर त्रस्त असताना आता थेट गुन्हे शाखेच्या कर्मचाऱ्यावर हल्ला करणे हा पुणे पोलिसांना दिलेला थेट इशारा मानला जात आहे. या घटनेमुळे संपूर्ण पोलीस दलात तीव्र संताप असून, हल्लेखोरांना तातडीने अटक करून कठोर शिक्षा करण्याची मागणी जोर धरत आहे.