Pune News : पुण्यात MPSC तरूणानं उचललं टोकाचं पाऊल, राहत्या घरातच संपवलं आयुष्य, नेमकं काय घडलं?
- Published by:Prashant Gomane
Last Updated:
पुण्यातून एक धक्कादायक घटना समोर आली आहे. या घटनेत एमपीएससी करणाऱ्या एका तरूणाने आत्महत्या केल्याची घटना घडली आहे. सागर पवार असे या 26 वर्षीय तरूणाचे नाव आहे. तो मुळचा बुलढाण्याचा रहिवासी होता.
Pune News : अभिजीत पोटे, पुणे,प्रतिनिधी : पुण्यातून एक धक्कादायक घटना समोर आली आहे. या घटनेत एमपीएससी करणाऱ्या एका तरूणाने आत्महत्या केल्याची घटना घडली आहे. सागर पवार असे या 26 वर्षीय तरूणाचे नाव आहे. तो मुळचा बुलढाण्याचा रहिवासी होता. सागर पवार हा पुण्यात एमपीएससीची तयारी करत होता. दरम्यान त्याने आत्महत्या का केली? याच मुख्य कारण अद्याप समोर आलं नाही आहे. पण प्राथमिक माहितीनुसार तरूणाने परिक्षेतून आलेल्या नैराश्यातून ही आत्महत्या केल्याची माहिती आहे. या घटनेची पोलिसांनी नोंद करून घटनेचा तपास सूरू केला आहे.
मिळालेल्या माहितीनुसार,मुळचा बुलढाण्याचा असलेला सागर पवार हा पुण्यात स्पर्धा परिक्षेची तयारी करत आहोत. पुण्याच्या विश्रामबाग पोलीस ठाण्याच्या हद्दीत तो राहत होता. दरम्यान आज शुक्रवारी पहाटे पोलिसांना या घटनेची माहिती मिळाली होती. ही माहिती मिळताच पोलिसांनी घटनास्थळ गाठून तपास सूरू केला होता. यावेळी तपासात सागर पवारचं घर आतून लॉक होते.त्यामुळे पोलीस दरवाजा तोडून आत शिरले असता सागर पवार हा मृत सापडला होता. पोलिसांनी यावेळी घटनास्थळी तपास केला पण पोलिसांच्या हाती काहीच पुरावा लागला नाही. कारण अशा प्रकरणात मृत व्यक्ती शक्यतो चिठ्ठी लिहून आत्महत्या करत असतो, पण पोलिसांनी घटनास्थळी चिठ्ठी देखील सापडली नाही आहे.
advertisement
विशेष म्हणजे पोलिसांना संशयास्पद असं काहीच सापडलं नाही.त्याच सागर पवारने दरवाजा बंद करून आत्महत्या केली होती. त्यामुळे या घटनेत इतर कुणाचाही सहभाग सहसा दिसून येत नाही आहे.त्यामुळे परिक्षेतून आलेल्या नैराश्यातून सागरने आत्महत्या केली असावी,असा प्राथमिक अंदाज पोलिसांनी वर्तवला आहे.
दरम्यान या घटनेत आता सागर पवार यांचे कुटुंबिय आल्यावर आणि मोबाईलवरील शेवटच्या संभाषणातून कदाचित त्याच्या आत्महत्या मागचं कारण समजणार आहे.पोलिसांनी या घटनेची नोंद केली आहे.तसेच या घटनेचा अधिक तपास करायला सूरूवात केली आहे.
view commentsLocation :
Pune,Maharashtra
First Published :
November 28, 2025 8:46 PM IST
मराठी बातम्या/पुणे/
Pune News : पुण्यात MPSC तरूणानं उचललं टोकाचं पाऊल, राहत्या घरातच संपवलं आयुष्य, नेमकं काय घडलं?


