आनंदावर विरजन! पुण्यात लग्न सुरू असतानाच 'ते' कार्यालयात शिरले; केलं असं काही की वधू हादरली

दुसऱ्या एका घटनेत धायरी भागात चोरट्यांनी एका डेअरीचे कुलूप तोडून गल्ल्यातील ९२ हजार रुपयांची रोकड चोरून नेल्याची घटना उघडकीस आली आहे. धायरीतील उंबऱ्या गणपती चौकात तक्रारदाराची डेअरी आहे. २६ नोव्हेंबरच्या मध्यरात्री चोरट्यांनी डेअरीचे कुलूप तोडले आणि गल्ल्यातील रोकड घेऊन पसार झाले. याप्रकरणी नांदेड सिटी पोलीस ठाण्यात गुन्हा दाखल करण्यात आला असून, पोलीस कर्मचारी मोरे या चोरीचा तपास करत आहेत.

प्रवासादरम्यान चोरट्यांनी ज्येष्ठ नागरिकांना लक्ष्य करण्याचे सत्र सुरूच ठेवले आहे. विश्रांतवाडी परिसरात पीएमपी बसमधून प्रवास करणाऱ्या एका ज्येष्ठ महिलेच्या हातातील ६० हजार रुपये किमतीची सोन्याची बांगडी चोरट्यांनी हातचलाखीने लांबवली. धानोरी भागात राहणाऱ्या या महिलेने याप्रकरणी विश्रांतवाडी पोलीस ठाण्यात फिर्याद दिली आहे.

शहरातील स्वारगेट भागात पादचारी तरुणाला धमकावून त्याच्याकडील मोबाईल हिसकावून नेल्याची घटना घडली आहे. शुक्रवारी (दि. २८) सकाळी सहा वाजण्याच्या सुमारास तक्रारदार तरुण शंकरशेठ रस्त्यावरून पायी जात असताना, दुचाकीवरून आलेल्या चोरट्यांनी त्याला धमकावले आणि जबरदस्तीने त्याचा मोबाईल घेऊन पोबारा केला. याप्रकरणी स्वारगेट पोलीस ठाण्यात गुन्हा दाखल करण्यात आला आहे.