Pune : कुख्यात गँगस्टर गजा मारणे जेलमधून बाहेर येताच पत्नी अजित पवारांच्या भेटीला, पुण्याच्या निवडणुकीत 'तिसरी गँग' उतरणार?

Jayashree Marne meet Ajit Pawar : पुण्यात मागील काही दिवसांपूर्वी गुन्हेगारीने मोठा धुमाकूळ घातला होता. पुणे पोलिसांनी खाकी दाखवल्यानंतर गुन्हेगारी विश्वातील टोळी आता शांत झाल्या आहेत. आंदेकर टोळी, गजा मारणे टोळी तसेच घायवळ टोळीविरुद्ध पुणे पोलिसांनी कारवाई केल्यानंतर या टोळीतील सदस्य आता राजकारणाकडे वळाल्याचं चित्र पहायला मिळत आहे. अशातच आता माजी नगरसेविका राहिलेल्या आणि गुंड गजा मारणे याच्या पत्नी जयश्री मारणे या अजित पवार यांच्या भेटीला गेल्या आहेत.