Pune: 15 डिसेंबर डेडलाइन! रस्त्यांच्या कामात उशीर झाला तर ठेकेदारांना रोज 1 लाखाचा दंड

पुणे : पुढील वर्षी होणाऱ्या आंतरराष्ट्रीय ‘पुणे ग्रँड चॅलेंज’ स्पर्धेसाठी पुणे शहर आणि जिल्ह्यातील 437 किलोमीटर रस्त्यांची कामं 15 डिसेंबरपर्यंत पूर्ण करण्याचे निर्देश देण्यात आले आहेत. कामात दिरंगाई झाल्यास ठेकेदाराला दररोज एक लाख रुपयांचा दंड आकारला जाणार आहे. या कामात राजकीय हस्तक्षेप अजिबात सहन केला जाणार नाही, असा स्पष्ट इशारा उपमुख्यमंत्री अजित पवार यांनी प्रशासनाला दिला आहे. त्यामुळे स्पर्धेपूर्वी दर्जेदार रस्ते तयार करण्याचं मोठं आव्हान प्रशासनासमोर उभं राहिलं आहे.