'माझ्याकडे का बघतो?' कारमधून उतरत जोडप्याची शिक्षकाला बेदम मारहाण, पुण्यातील धक्कादायक घटना
- Published by:Kiran Pharate
- local18
Last Updated:
राडी परिसरात त्यांच्या दुचाकीचा धक्का एका कारच्या आरशाला लागला. यावरून संतप्त झालेल्या कार चालकाने क्षणाचाही विलंब न लावता कुट्टे यांची गाडी अडवली
crimeपुणे : शहरात रोड रेजच्या घटना दिवसेंदिवस वाढू लागल्या आहेत. पुण्यातून आता आणखी एक घटना समोर आली आहे. यात खराडी परिसरात एका खासगी शिकवणी घेणाऱ्या शिक्षकाला अशाच संतापजनक घटनेचा सामना करावा लागला आहे. आपल्या दुचाकीचा कारच्या साइड मिररला धक्का लागल्याच्या क्षुल्लक कारणावरून एका अज्ञात कार चालकाने शिक्षकाला भर रस्त्यात बेदम मारहाण केली. एवढंच नाही तर शिक्षकावर तीक्ष्ण शस्त्राने वार केले. याप्रकरणी जखमी शिक्षक किरण केशव कुट्टे यांनी खराडी पोलीस ठाण्यात फिर्याद दिली असून, पोलिसांनी कार चालकासह त्याच्यासोबत असलेल्या तरुणीविरोधात गुन्हा दाखल केला आहे.
२६ नोव्हेंबर रोजी सायंकाळच्या सुमारास कुट्टे हे दुचाकीवरून त्यांच्या शिकवणी वर्गाकडे जात होते. खराडी परिसरात त्यांच्या दुचाकीचा धक्का एका कारच्या आरशाला लागला. यावरून संतप्त झालेल्या कार चालकाने क्षणाचाही विलंब न लावता कुट्टे यांची गाडी अडवली आणि त्यांना शिवीगाळ करण्यास सुरुवात केली. 'माझ्याकडे का बघतो?' अशी धमकीवजा विचारणा करत त्याने कुट्टे यांना लाथाबुक्क्यांनी मारहाण केली. कारमध्ये असलेली एक तरुणीही या हल्ल्यात सहभागी झाली आणि तिनेही कुट्टे यांना शिवीगाळ केली. या मारहाणीनंतर कार चालकाने त्याच्या कारमधून तीक्ष्ण शस्त्र बाहेर काढले आणि कुट्टे यांच्यावर जीवघेणा वार केला.
advertisement
हल्ला केल्यानंतर आरोपी कार चालक आणि तरुणी दोघांनीही घटनास्थळावरून तातडीने पळ काढला. या घटनेमुळे खराडी परिसरात मोठी भीती पसरली आहे. पोलिसांनी अज्ञात आरोपींचा शोध घेण्यासाठी परिसरातील सीसीटीव्ही फुटेजची तपासणी सुरू केली आहे. परिमंडळ ४ चे पोलीस उपायुक्त सोमय मुंडे यांच्यासह वरिष्ठ अधिकाऱ्यांनी घटनास्थळाला भेट देऊन तपासकार्यात गती आणली आहे. अशा घटनांमुळे रस्त्यावरच्या सुरक्षेचा प्रश्न पुन्हा एकदा ऐरणीवर आला आहे.
view commentsLocation :
Pune,Maharashtra
First Published :
November 29, 2025 8:47 AM IST
मराठी बातम्या/पुणे/
'माझ्याकडे का बघतो?' कारमधून उतरत जोडप्याची शिक्षकाला बेदम मारहाण, पुण्यातील धक्कादायक घटना


