Pune : लिव्ह इन पार्टनरचा मर्डर, महिलेच्या मृतदेहासोबत घृणास्पद कृत्य, डेडबॉडीसमोरचं दृश्य पाहून पुणे हादरलं

पुणे : लिव्ह इन रिलेशनशीपमध्ये राहणाऱ्या महिलेची निघृणपणे हत्या करण्यात आल्याची घटना पुण्यात घडली आहे. हत्येनंतर आरोपीने महिलेचा मृतदेह दोन दिवस घरातच ठेवून नंतर उकिरड्यावर फेकला. 40 वर्षांच्या या महिलेची हत्या किरकोळ वादातून झाल्याची प्राथमिक माहिती पोलीस तपासात समोर आली आहे. आरोपीने महिलेची हत्या केली आणि तिचा मृतदेह घरामध्येच दोन ते तीन दिवस ठेवला, पण मृतदेहातून दुर्गंधी यायला लागल्यानंतर आजूबाजूच्या लोकांना संशय येईल, म्हणून आरोपीने स्मशानभूमीजवळ असलेल्या उकिरड्यावर महिलेचा मृतदेह फेकला.