Success Story : डिलिव्हरी बॉयची नोकरी सोडली, सुरू केलं फूड आउटलेट, महिन्याला आता 2 लाख कमाई

लालबाग–परळ परिसरात त्यांनी तीन-चार व्यवसाय सुरू केले. पण काही अनपेक्षित कारणांमुळे ते टिकू शकले नाहीत. तरीही दोघांनी हार न मानता पुन्हा नव्याने सुरुवात करण्याचा निर्णय घेतला. या सगळ्या काळात घरच्यांनी त्यांना पूर्ण साथ दिली. यानंतर ते दिव्यामध्ये राहायला आले. व्यवसाय सुरू करण्याइतके भांडवल नसल्याने त्यांनी घरातूनच फास्ट फूड विकण्यास सुरुवात केली. उत्तम चव, स्वच्छता आणि ग्राहकांशी प्रेमळ व्यवहारामुळे याला काही महिन्यांतच मोठा प्रतिसाद मिळू लागला. त्यानंतर त्यांनी श्वेरोहस नावाने स्वतःचे फूड आउटलेट सुरू केले आणि तेही झपाट्याने लोकप्रिय झाले.

सोबतच त्यांनी सोशल मीडियाचा प्रभावी वापर केला. महिन्याला दोन लाख रुपये कमवायचे चॅलेंज घेत त्यांनी इंस्टाग्रामवर नियमित रील्स पोस्ट करायला सुरुवात केली. त्यांचे व्हिडिओ व्हायरल झाले आणि वाशी, ठाणे, डोंबिवलीसारख्या दूरच्या भागांतूनही ग्राहक त्यांच्या दुकानात येऊ लागले. आज रोहन आणि श्वेता त्यांच्या श्वेरोहस आउटलेटमधून महिन्याला दीड ते दोन लाख रुपये कमावत आहेत.

श्वेता आणि रोहन सांगतात की, बिझनेस खूप कठीण असतो. पण जिद्द आणि सातत्य सोडले नाही तर माणूस नक्कीच यशस्वी होतो.

त्यांची ही जिद्द, मेहनत आणि हार न मानण्याची वृत्ती अनेक तरुणांसाठी प्रेरणादायी ठरत आहे.