Pune Metro : मोठी घोषणा लवकरच! 'पुणे मेट्रो'चे नाव नक्की काय असणार? शहरात 'या' नव्या नावाची चर्चा जोरात

या मागणीसाठी त्यांनी उपमुख्यमंत्री आणि पुणेचे पालकमंत्री अजित पवार यांना निवेदन दिले आहे. भापकर यांनी नमूद केले आहे की पुणे आणि पिंपरी-चिंचवड या दोन्ही महानगरांमध्ये महामेट्रो कार्पोरेशनने मोठ्या प्रमाणात काम हाती घेतले आहे. दोन्ही शहरांमध्ये नागरिक मेट्रोच्या सुविधेचा लाभ घेणार आहेत, तरीही या प्रकल्पाला केवळ पुणे मेट्रो असे नाव देण्यात आले आहे. त्यामुळे पिंपरी-चिंचवड शहराचे प्रतिनिधित्व या नावातून होत नाही.

त्यांनी पुढे म्हटले आहे की या बाबत अनेक वेळा मागणी करूनही मेट्रो प्रशासनाने त्याची दखल घेतलेली नाही. त्यामुळे मेट्रोच्या नावामध्ये पिंपरी-चिंचवडचा समावेश करणे आवश्यक आहे. जेणेकरून दोन्ही शहरांचा सन्मान राखला जाईल आणि नागरिकांना समान प्रतिनिधित्व मिळेल.

याशिवाय भापकर यांनी अजून एक गंभीर मुद्दा मांडला आहे. पिंपरी ते निगडी या जुन्या मुंबई-पुणे महामार्गावर सध्या मेट्रोचे काम सुरू आहे. या कामामुळे रस्त्यांची स्थिती अत्यंत खराब झाली आहे. मोठे खड्डे पडल्याने अनेक ठिकाणी वाहतुकीची अडचण निर्माण झाली आहे. अनेक नागरिक या रस्त्यावर अपघातग्रस्त झाले असून काहींना गंभीर दुखापती झाल्या आहेत. उपचारासाठी त्यांना मोठा आर्थिक खर्च करावा लागत आहे.

या संदर्भात भापकर यांनी पुणे महापालिका आयुक्त शेखर सिंह आणि मेट्रो कार्पोरेशनचे व्यवस्थापकीय संचालक श्रावण हर्डीकर यांना पत्रव्यवहारही केला आहे. मात्र, महापालिकेने या रस्त्याच्या दुरुस्तीची जबाबदारी मेट्रो प्रशासनावर टाकली आहे तर मेट्रो प्रशासनाकडून या समस्येकडे दुर्लक्ष केले जात आहे.

शहरातील नागरिकांच्या जीविताचा प्रश्न गंभीर असून प्रशासनाने तातडीने लक्ष घालणे आवश्यक आहे. म्हणूनच पुणे-पिंपरी-चिंचवड मेट्रोचे नामांतर आणि रस्त्यांची दुरुस्ती या दोन्ही बाबींवर तातडीने निर्णय घ्यावा, अशी मागणी मारुती भापकर यांनी केली आहे.