Pune News: त्या दुचाकीस्वाराकडे पाहून आला संशय; अडवून पोलिसांनी तपासली बॅग, उघडताच बसला धक्का

निवडणुकीच्या रणधुमाळीमुळे सध्या ठिकठिकाणी नाकाबंदी आणि संशयित वाहनांची तपासणी सुरू आहे. पिंपळे सौदागर येथील कुंजीर चौकात सांगवी पोलिसांचे पथक तैनात असताना त्यांना एक दुचाकीस्वार संशयास्पदरीत्या जाताना दिसला. पोलिसांनी त्याला थांबवून त्याच्या खांद्यावरील बॅगेची झडती घेतली असता, पोलिसांना धक्काच बसला. त्या बॅगेत १२ लाख रुपयांची भारतीय चलनातील रोकड आणि २ लाख रुपयांचे परदेशी चलन असे एकूण अंदाजे १५ लाख रुपये आढळून आले.